प्रार्थना - विचारवर्षा

मनाच्या खोल तळाशी, आर्त भक्ती दाटते,
श्वासांच्या लयींमध्ये मग चाहूल तुझीच लागते।

अश्रूंच्या थेंबांना, चरणांची ओढ मिळते,
ओठांवरी प्रार्थना, नि:शब्दपणे घुमते।

डोळ्यांच्या वाटेवर, दर्शनचित्र उभेसे,
तुझा भास जरी झाला, तुझ्यात सारे विसरते।

अंतरात ज्योत जळे, अखंड तुझ्या विश्वामध्ये,
तुझ्या छायेसाठी जीव, हरवतो शोधामध्ये।

ओठ मिटलेले तरी, हाक तुझ्यापाशी जाते,
व्याकुळता अखेरीस, समाधी-द्वारी नेते।

भंगवता एका क्षणी , ओढीने मी विझते,
तुझ्यात सामावूनी, पुन्हा दीपासम तेवते।

Latest posts by Varsha Karhad - Munde (see all)